Everyday absurdities from the Arab world through the eyes of an overly curious woman.
رميت كل الكلاسين يلي كنت البسهم معك اللون الاحمر والزهري و الاسود يلي كنت تحبهم و تحب تمزعهن عن جسمي ما بدي شي يزكرني فيك طويت الصفحة عملت ريستارت شريت كلاسين جديدة بس هدول ما رح تشوفهم ولا رح اتدوق طعمهم رح يبقو في الرف للي رح حبو من بعدك
قالي بترجاكي تحبيني بدون اي سؤال بدون اي شروط بدون ما تفتحي البي بدون ما تعرفي اغلاطي بدون ما تكشفي اسراري بدون ما تعرفي همومي بدون ما تقابلي اهلي بدون ما تعرفي عن حبي السابق بدون ما تعرفي عن شغلي بدون ما تعرفي عن مصرياتي بدون ما تعرفي بشو بحلم بدون ما تعرفي عن كوابيسي بدون ما تعرفي عن ماضيي بدون … Continue reading قالي بترجاكي تحبيني
وقفي عالطابور و استنيني عابين ما يجي دورك و لا تستعجلي يا شاطرة وقفي عالطابور و لا تسبقي دورك في كتير بنات قبلك و كلهم جاييهم الدور وقفي عالطابور و استني دورك لحتى مثل اني بحبك زي ما عم مثل على كل يلي قبلك يلا امشي عن الطابور خلص وقتك يا شاطرة و اجى دور كل يلي بعدك حتى مثل عليهم اني بحبهم زي ما عم مثل على كل يلي قبلهم
رح حب حالي بدون حدود و انسى وجودك بدون خدوش عقلبي المجروح علمتني درس صغير بس مع هيك دايما رح كون اقوى و اشطر منك
قالي انا بحبك اليوم بس مش كل يوم قالي انا بحبك اليوم بس لا تسأليني عن بكرة قالي انا بحبك اليوم بس ما بعرف مين رح حب بكرة قالي انا بحبك اليوم و ما بوعدك اني رح بحبك بكرة قالي انا بحبك اليوم و يمكن حب حدا غيرك بكرة قالي انا بحبك اليوم و يمكن ما حب ولا حدا بكرة قالي انا بحبك اليوم بس رح ضل حب حالي كل يوم قالي انا بحبك اليوم و بكرة بصير اليوم من الماضي قالي بس لا تنسيني لاني يمكن ارجع احبك بعد بكرة
اجيت لعندي لتعيش وهم و تهرب من مسؤولياتك من زوجتك من اولادك من الديون و الشغل من الاهل بس نسيت انا مني وهم و الشخص الوحيد يلي عم تحاول توهموا هو نفسك
اليوم عتقت قلبي عن حبك رفعت وجهي للسما حسيت بالشمس و حسيت بالدفا سما زرقا صافية اخدت نفس عميق غمضت عيوني و مرقت ساعات و عرفت اني مني خايفة كون لوحدي
قالي ما فيكي تعرفي بشو بفكر و ما فيكي تعرفي شو عم بعمل مش حرد على تلفونك و حتضلي محتارة بحالك قالي ما فيكي تعرفي وين انا و ما فيكي تعرفي مع مين انا رح اتضلي تستني تلفوني و رح تكزبي على حالك اني رح ارجع رنلك قالي ما فيكي تعرفي لما اكزب و ما فيكي تعرفي لما اصدق رح اتضلي حيرانة بحالك و بحيرتك رح تتعلقي فيي اكتر قالي ما فيكي تقوليلي شو ساوي و ما فيكي تقوليلي غلطان رح خليكي تشككي بحالك و هيك حتضلي دايما تحت سيطرتي قالي ما فيكي تعرفي متى رح اتصل و ما فيكي تعرفي متى رح نلتقي رح اتضلي تحلمي نرجع نلتقى و كل ما افترقنا رح تشتاقيلي اكتر قالي ما فيكي تخليني اعتذر و ما فيكي تخليني اعترف بالزنب كل اتهامة رح لفها وطلع الحق عليكي و رح خليكي دايما تعتزري و تبوسي ايدي قالي ما فيكي تعرفي مين بقلبي و لا فيكي تعرفي بمين عم بحلم حاولي قد ما بتقدري حاولي انا قلبي حواليه نيران بتاكل كل حدا بقرب قالي ما فيكي … Continue reading قالي ما فيكي
لما تنين ينهوا قصة حبهم و يفترقوا اول شعور بيغمرهم هو الوحدة و الفراغ يلي بكبر بالقلب و متل الثقب الاسود بمتص كل النور من حياتهم و بغرقهم بالعتمة و الفراغ بتمر ايام و اسابيع و بسألو حالهم متى رح اطلع من هالحالة و ارجع لاقي النور و اوقف على رجلي و بعدها برجع كل واحد يوقف على رجليه بكملو طريقهم و تستمر دورة الحياة الابدية من الحب الى الفراغ بس نحنا الاتنين عايشين قصة حبنا و قصة فراقنا بنفس الوقت لا نحنا مع بعض و لا نحن بدون بعض عم اغرق بالعتمة لوحدي و انت عم تكزب عم تقلي انك معي و انت مو معي معيشني كربة بس انا فعليا لوحدي عم اغرق لوحدي و معتمة الدنيا بعيني ما في نور كلو فراغ ما في نقطة بداية و ما في نقطة نهاية كلو واحد و هاد الشي اسوء … Continue reading لما تنين ينهوا قصة حبهم
دخلت حياتي متل المطر في يوم ربيعي و طلعت منها بسرعة الريح في يوم مالو اسم قصتنا متل الكزبة متل الكزبة يلي ما بتتصدق و بلشت شك بحالي ازا كانت قصتنا حقيقة او ازا كنت من صنع خيالي ما ضل الك اي اثر دورت عليك بكل الاماكن يلي كنا نلتقى فيها دور على ريحة عطرك همسة شفافك لمسة اصابعك عيونك السود و ما لقيتك دخلت حياتي و طلعت متل الكزبة يلي ما بتتصدق وما قدرت انساك
Diplomatically Undiplomatic 