بحبك و نفسي ضمك لصدري و نرجع متل ما كنا بس رح انساك و رح ضل اسأل حالي وين انا غلطت و وين انت غلطت لحتا وصلنا لهاي المرحلة بحبك و ما بعرف ازا عمرك حبيتني بس رح انساك

لقيت حالي في بلد غريبة بعد كل هالعمر عم ارجع عيش الغربة  من اول و جديد  بهاي البلاد  ما حدا لحدا و بدك تشقى لحالك تتعب لحالك ما حدا جنبي رح ارجع بلش من الصفر و أبني حالي من جديد متل طير الفينق حرقت حالي و بلوم حالي قبل ما لومك بس  رح ارجع اتولد  من اول و جديد و انا قبلانة الغربة ولا شوف خلقتك و لا اسمع اكازيبك  مرة تانية روح لاقيلك وحدة غيري لانو هيدي الفينيق  بلشت تتعلم  كيف اتطير  لوحدها

قالي شو صارلك على اساس انت اوبن ماينديد ليش صرتي معقدة قالي شو صارلك انت وحدة متعلمة و زكية  و مخك كبير و فهمانة و مستقلة و سافرتي العالم حكتلو لا سيدي انت يلي مانك فاهم  معنى اوبن ماينديد  و مانها وظيفتي فهمك حكتلو  لا سيدي انا مو مضطرة اثبتلك حضاريتي ولا انفتاحي و لا استقلاليتي و لا ذكائي عن طريق فتح رجلي و استغلالك لجسدي حكتلو لا سيدي ازا اوبن مينديد معناها عهر ببلاش و تسطوطي حيطي و ما تعطيني قيمة و لا اعتبار  معناها خليني كلوز مينديد احسنلي

لقيت حالي في عبدون مطعم فخم مع حدا جديد معجب فيني و مانو عارف كيف يدللني و مانو قادر يشيل عيونو عنو بس  ما قدرت ما فكر فيك و اتحسر على ايامنا كيف كنا نطلع على الدوار الرابع و ما نفكر بحدا غير بعض قلبي مسكر و محفور عليه  اسمك يا حسرة وينك عني و لو تعرف شو مخبية  بقلبي و مو ممكن اعترف  بصوت عالي

ضليت اسأل حالي ليش  ما فيني انساك مع اني نسيت كل حد غيرك ضليت  اسأل حالي ليش و السبب هو انو ريحة صدرك متل ريحة البيت ريحة صدرك متل ريحة وطني يلي عرفت قيمتو بالغربة بترجاك ترجع اتضمني لصدرك و تحسسني اني رجعت لبيت الطفولة يلي كلو دفى و حنية و بعيد عن مشاكل  و هموم الكبر 

قالي ما بتحمل حد يضغط علي و لو مين ما كانت و اد ما كون بحبها بدعس على البي و بطلقها استغربت لانو نحنا منا مجوزين و سكتت ** قالولي انو تحسن شغلك و صرت تشتغل على الطابق ال١٩ و شفت حالك و ارتفع مجدك طيارة رايحة و طيارة جاي قلت بحالي  بلكي بتسأل عني بس قالولي انك ما جبت سيرتي ** فتحتلي بالفنجان ست ربنا بحبها و قلبها نور على نور و قالتلي  قلبك معلق بحدا ما فيكي تنسيه و عم تفكري فيه طول الوقت كاتم على قلبك و لساتك مصدومة  من يلي عرفتيه عنو قلتلها  يعني شو طريق مسكرة؟  قالتلي  لو فيني  بفتحلك الطريق ** كيف  ما بدك انجن و اضغط عليك لتفهمني  شو كمان مخبي لما يوصلني  خبر متل الزبالة انك لساتك مزوج  و عندك سامي و رامي و ريان ريتني عرفت انك ميت و … Continue reading سامي و رامي و ريان →

قلي  انت اول وحدة  بنام معها بدون مصاري  لحظتها ما عرفت بشو رد لاني اكتشفت بلحظتها اني ارخص  من العاهرة لانو العاهرة  بتعرف قيمتها و بتفرض احترامها اما انا فالسعر يلي طلبتوا  هو شوية حنية و شوية اهتمام شوية تلفونات و شوية ابتسامات شوية حب و شوية مسجات قلت بحالي بيجي يوم و بعرف قيمتي و قديش اني زكية و بعترفلي بحبوا و بتزوجني ففعلا المرأة  يلي بتظن نفسها  محترمة و قد حالها هي الخسرانة لانها في نظر الرجل العربي هي ارخص من العاهرة

فتحتلك قفصي الصدري و فتت  بكل حب و حضنت البي و هناك ضليت تتنفس من نفسي و تحس بإحساسي حبيت وجودك  حولين البي حسيت حالي قوية وين ما روح لانك دايما كنت معي حاضن البي بس مع الوقت بطلت اعرف  الفرق بين البي  و انت صرنا واحد صرت تشرب من دمي تتنفس من نفسي لحتى صرت  عم اختنق من وجودك عم اتعب من وجودك و نسيت ليش سمحتلك تحضن البي ضليت قاوم بس خلص اجى الوقت فتحت صدري رفعت وجهي للسما و بايدي  نزعتك بكل قوة من حولين قلبي سمعتك  و انت بتصيح  و بتقاوم بس ما اهتميت نزعتك و رميتك لبعيد و فجأة  حسيت  بألم شديد  في صدري اتطلعت و شفت اني لما نزعتك … Continue reading حضنت البي →